Diaranson atardi a drenta informe di un accidente riba E.J. “Watty” Vos blvd., mesora a dirigi un patruya na e sitio. Na yegada di e patruya a bin compronde cu aki ta trata di un accidente unda e chauffeur di un Hyundai Accent riba e caminda di Bushiri pa bay Ponton no a regula su velocidad ni a mantene distancia a bay dal tras di un Chevrolet Minivan. Aunke e impacto tabata fuerte afortunadamente ningun hende a resulta herida.
