Diahuebs mainta tempran a drenta informe di un accidente cu hende herida na Savaneta, mesora a dirigi un patruya y ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di un auto Nissan March a hala bay na banda robes di caminda y a dal frontal riba e auto Suzuki Swift di direccion contrario. Debi na e impacto ambos chauffeur a resulta herida. Na yegada di e ambulans nan a atende un na e sitio mientras e otro a bay cu ambulans. Polis a detene e chauffeur pa ta bao influencia di alcohol.