Riba diamars 30 di september, durante di nos patruya nan diario, personal di Wardacosta a tuma nota di dos boto for di Venezuela den nos awa nan teritorial. Ta trata di un total di 5 Venezolano sin e permiso nan necesario pa por pisca den nos awa nan.
Nan intencion no tabata pa yega tera.
Pa motibu di e infraccion di a drenta nos awa nan, a confisca tur instrumento di pesca incluyendo aproximadamente 400 kilo di pisca. E dos boto nan a bai bek Venezuela. E pisca nan a ser entrega na Fundacion Pa Nos Comunidad.
