Diasabra madruga a drenta informe di un accidente cu hende herida dilanti Tsing Yi Supermarket na Piedra Plat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un chauffeur cu lo a pega soño subi acera y bay kentel banda panort di caminda y finalmente bay dal riba un auto staciona. Debi na e impacto e chauffeur a resulta herida. Na yegada di e ambulans nan a atende e victima y transporte pa hospital.