Diahuebs atardi a drenta informe di un accidente cu hende herida net panort di rotonde Sero Blanco, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di un Kia Picanto no a regula su velocidad ni mantene distancia a bay dal tras di un Honda CR-V y dama chauffeur a resulta herida. Na yegada di e ambulans a bin compronde cu e dama ta sinti dolor na su pecho y a transporte pa hospital.