Diamars mainta a drenta informe di un caso di hogamento Baby Beach. Mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un caso unda a haya un turista masculino ta drief boca abao, mesora nan a trese tera y a inicia cu CPR. Na yegada di e ambulans nan a atende cu e victima y a sigui cu CPR na caminda pa Centro Medico a cambia di idea y a bay stret pa hospital unda riba e caminda a sigui CPR te na hospital. Na su yegada na hospital no por a haci mucho mas p’e y a constata cu e turista americano di 82 aña a fayece. Na su famia nos di awe24.com ta extende nos mas sincero palabranan di condolencia.