Diasabra anochi a drenta informe di un accidente cu hende herida pabao di rotonde Tarabana, mesora a dirigi tanto polis como ambulans na e sitio. Na yegada di e patruya a bin compronde cu e chauffeur di un Kia Picanto a baha caminda dal palo di lus kibra y bolter como 3 biaha y e auto a keda den banda. Cu ayudo di mirones a logra saca e chauffeur cu tabata keha di dolor na su brasa. Na yegada di e ambulans nan a atende y a transporte pa hospital.
