Dialuna madruga a drenta informe di un accidente na Paradera, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un Nissan March cu a baha caminda y bay dal riba un mata banda di Anytime Bar & Restaurant na Paradera. Ora polis a bay wak si e chauffeur ta ok a bin resulta cu e ta herida cu un kap na cabes. Na yegada di e ambulans nan a atende e victima y a transporte pa hospital.
