Federacion Dutch Caribbean Mental Health ta presenta Estudio Regional di Salud Mental pa e parti di Reino Hulandes den Caribe di 2024 Kralendijk / Oranjestad / Willemstad / Philipsburg / –

Federacion Dutch Caribbean Mental Health (DCMH) a presenta e prome Estudio Regional di Salud Mental pa e area di Caribe Hulandes di 2024.

Cu e comunicado di prensa aki, nos kier comparti e rapport cu ta contene e resultadonan di e investigacion. E rapport ta dunapa prome biaha un bista di e situacion di salud mental den e parti di Reino Hulandes den Caribe.

E analisis ta mustra cu traha hunto y colecta data ta posibel y ta duna informacion valioso pa yuda stipula maneho y practica. A pesar di e diferencianan den registracion y forma di financiamento, a logra pone un base solido pa un sistema structural pa monitorea salud mental riba e islanan.

Resultadonan principal:

• Den 2024, mas o menos 8.400 cliente a wordo trata door di5 instancia participante den e investigacion den 5 isla.

• 56% di e clientenan ta hende muhe.

• 30% ta menor di 25 aña y 30% ta mayor di 55 aña.

• E diagnostico mas comun ta trastornonan psicotico (por ehempel skizofrenia), sigui pa trastornonan depresivo, trastornonan di desaroyo neurobiologico, y trastornonanrelaciona cu trauma y stress.

E resultadonan ta enfatisa e importancia di sigui traha hunto, mehoracion e calidad di e data y hiba maneho cu ta acapara e necesidadnan specifico pa e comunidad Caribense.

Instancianan cu a participa:

Den e estudio regional aki a participa e siguiente instancianandi salud mental:

• Fundacion Salud Mental Aruba Respaldo (Aruba)

• Stichting Geestelijke Gezondheidszorg Curaçao (GGZ Curaçao)

• Stichting Opvangtehuis Brasami (Clinica di adiccionBrasami)

• Fundashon Perspektiva i Sosten Integral (PSI) – Skuchami– (servicio ambulante di salud mental)

• Mental Health Caribbean (MHC) di BES

E rapport ta un paso importante pa logra un sistema sostenibelpa colecta data y desaroya maneho riba e area di salud mental den e region di Caribe. E ta stimula colaboracion entre instancianan, desaroyadornan di pmaneho y profesionalnanden cuido, pa traha hunto pa e Reino Hulandes den Caribe tamas saludabel y resistente.