Awe nos ta cuminsa na gradici nos bon Dios cu ta stima nos hopi mes.
Señor ta nos Creador, nos ta su discipelnan.
Si nos analisa nos bida, si nos aprecia lanta mainta cu tur nos bon intencionnan, nos mester comprende kiko kier meen tur mainta bo por lanta, y hasi tur loke bo ta haciendo tur dia !!
Algo masha grandi nos ta pasa aden y hopi no ta aprecie.
Mi ta topa tur dia, cu hobennan ex alumno cu problema di cana, cu Parkinson, diabetico.
Enfin mi ta hanja mas gana di gradici mi bon Dios pa mi ta den bon condicion.
Nos mester tin mas fe den Señor, y si nos tin algún malesa, papia cune.
Hala un banda den un hoeki di bo kamber, mustre cu bo tin mester di dje, y pone bo carga den su man poderoso.
Pa nos bon Dios nada ta imposibel.
Esey ta bo Fe.
Esey bo mester tin y fuerte.
Bo mester aserka Señor sin miedo y cu hopi confiansa.
Tata ta nos creador, e ta nos fortalesa, nos amigo fiel.
Den Dje nos tin tur cos, tur confiansa.