Diahuebs anochi a drenta informe di un auto na candela na Sero Blanco, mesora a dirigi tanto polis como bomberonan na e sitio. Na yegada di e patruya a bin encontra cu un auto bandona cu tabata na candela y banda di dje tabata tin 2 otro mas cu ta bandona y ta cerca di e candela. Na yegada di bomberonan nan a combati e candela y a logra paga esaki. No ta conosi si ta klap of intencionalmente esaki a ser pega na candela. Tabata trata di un Ford Ecosport blanco sin number.