CUERPO POLICIAL TA INFORMA

Diahuebs 1 januari 2026 pa mas o menos 7:40 di mainta durante un control den celnan na warda di polis Santa Cruz ta topa cu un detenido masculino cu lo a pone fin na su bida.

Di biaha ta informa chef van dienst y na su turno ta pone central di polis na altura.

Central di Polis na su turno ta informa tur instancianan concerni na altura.

Dr.Forensico, polis technico y landsrecherche a presenta pa asina haci nan investigacion.

Departamento di Slachtofferhulp a presenta tambe pa asina guia e famia den e momento lamentabel aki.

E detenido ta un hende homber nacionalidad Colombiano y tabata tin 45 aña.

Cuerpo Policial ta manda palabra di condolencia na famia di e fayecido.