Diamars atardi a drenta informe di un accidente unda cu un auto lo a kentel den Boliviastraat y tin 3 hende herida, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente pa falta di preferencia unda un auto di huur Kia Sorento bayendo pariba den Boliviastraat no a para pa duna preferencia na un autobus bayendo nort den Emmastraat y nan a dal den otro unda e Kia Sorento a kentel den banda. Debi na e impacto cu e Sorento a bolter y tin 3 persona a resulta herida. Na yegada di e ambulans nan a atende e victima y a transporta nan pa hospital.