Dialuna madruga a drenta informe di cu tin brommernan haciendo boroto den e oranan ey banda di Palm Beach, mesora a dirigi patruyanan na e sitio. Cu 2 patruya a logra para 2 di e brommernan aki, ora cu a controla e papelnan a bin descubri cu ningun di 2 tin su papelnan na ordo. No a keda nada otro cu polis confisca e brommernan aki. Na e sitio a presenta un otro persona cu a purba intermedia pero polis a splica kiko mester haci pa polis debolbe nan e brommernan.