Diabierna mainta a drenta informe di un accidente cu hende herida dilanti Napa na Santa Cruz, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di un Nissan no a regula su velocidad ni a mantene distancia a bay dal fuertemente tras di un MG. Debi na e fuerte impacto e chauffeur di e MG tabata keha di dolor. Na yegada di e ambulans nan a atende e chauffeur pa e dolor cu ela ricibi.