Diaranson anochi a drenta informe di un accidente cu hende herida na Cumana, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda e chauffeur di un Kia Rio a subi e crusada sin a duna preferencia na un Toyota Vitz y a dal esaki mande bay dal un truck staciona y un Mazda staciona na un cas. Debi na e impactonan 2 persona y un mucha a resulta herida. Na yegada di e ambulans nan a atende e victimanan.