Diahuebs anochi a drenta informe di un candela grandi den Parke Curason, mesora a dirigi tanto polis como bombero na e sitio. Na yegada di e patruya a bin haya e Parke sera na candal pa por a yega na e candela. Mientras tabata busca un solucion pa drenta den e parke y a logra drenta e candela a expande te sali for di e waya y bay pafo banda di caminda. E ora a solicita pa un otro truck bini pa combati esaki di pafo. Despues di un combate basta largo a logra paga ful e candela.