Diamars anochi a drenta informe di un accidente cu hende herida na Macuarima pariba di e veld Crismo Angela y Nady Croes, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un auto a dal un hende di edad cu a bay crusa caminda y a dal e, e auto mes a para y a bati alarma. Na yegada di e ambulans nan a atende e persona di edad y a transporte pa hospital pa mas tratamento avansa.