Diabierna madruga a drenta informe di un accidente cu hende herida panort di e rotonde Tanki Flip, mesora a dirigi tanto polis como ambulans na e sitio. Na yegada di e patruya a bin compronde cu un dama chauffeur a bay pasa e auto su dilanti net ora cu esaki ta bira na su man robes y a dal su auto move bay robes pega den un mata di kwihi. Debi na e impacto e dama bayendo pa su trabao a resulta herida. Na yegada di e ambulans nan a atende e dama y a transporte pa hospital.