Diasabra mainta a drenta informe di un accidente cu hende herida na Catiri, mesora a dirigi tanto polis como ambulans y hasta bombero. Na yegada di e patruya a bin compronde cu aki ta trata di un accidente entre 2 Toyota Vitz unda esun bayendo nort a slip bay na man robes dal frontal riba e Toyota Vitz biniendo di nort pa despues sigui bay dal riba un cura di cas. Debi na e impacto ambos chauffeur a resulta levemente herida. Na yegada di e ambulans nan a atende ambos victima na e sitio mes.