Diabierna anochi a drenta informe di un problema formal na un restaurant na Dakota, mesora a dirigi un patruya na e sitio. Na yegada di e patruya a bin compronde cu aki ta trata di un maltrato unda un otro persona lo a maltrata e victima y den su huymento a subi auto, dal un otro auto staciona, bandona e sitio. Polis a bay busca y a topa cu e homber cu a huy di e sitio despues di a dal e auto staciona. Ora polis a bay atende cun’e a nota cu e ta herida y a pidi ambulans p’e victima. Como cu e splicacion di e victima no tabata mucho cla kende a maltrat’e polis a consehe p’e bay recherche ora e corda ta ken a maltrat’e.