Diasabra madruga a drenta informe di un accidente hit & run na Palm Beach, mesora a dirigi un patruya na e sitio. Na yegada di e patruya a compronde cu aki ta trata di un accidente hit & run unda un brommer ta envolvi. Ta danki na e imagen di e camara a logra wak ta cual brommer y manehador a causa e accidente aki. Un rato despues polis ta topa cu e brommer aki na Boegoeroei y a detene e manehador pa a bandona sitio di accidente.
