Dialuna madruga a drenta informe di un accidente cu hende herida pariba di Welcome Snack na De La Sallestraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un chauffeur di un Kia Rio hatchback bayendo abao a pega soño bay na man robes y pega riba un palo di lus. Debi na e fuerte impacto e chauffeur a resulta herida. Na yegada di e ambulans nan a atende y a transporte pa hospital.
