Riba un bunita prome dia di siman, caminda cu hopi emocion y hopi confiansa nos ta habri siman di trabou.
Manera semper cu hopi gratitud nos ta aserca nos bon Dios cu nos por a habri wowo y gosa di otro bunita dia.
No tin nada mas dushi cu por a lanta y gosa di hopi cosnan bunita cu tin na mundo pa tambe por cumpli cu nos debernan di tur dia.
Nos tin un bon Dios cu ta stima su yuinan, tur dia ta cuida nos, y unda cu mester ta yuda nos tambe.
Palabra di Dios ta nos guia, nos luz.
Nunca nos mester perde nos Fe den Dios. Nos no mester lubida kiko Hesus a sinja nos, esta cu e único manera pa jega serka Dios ta via E mes.
Den bon of den malo semper keda cu bo Fe den Señor.
Papia cu Dios, no tene miedo, E tin atencion pa bo.
Dios tin un bunita plan pa cada un di nos.