Dialuna mainta a drenta informe di un accidente den Jupiterstraat, mesora a dirigi patruya na e sitio. Na yegada a bin constata cu aki ta trata di un accidente pa falta di preferencia. Aki chauffeur di un Hyundai blanco a bay crusa sin duna preferencia na un auto shinishi riba caminda di preferencia. Debi na e impacto un persona a resulta herida. Na yegada di e ambulans nan a atende e victima na e sitio mes.
