Diasabra anochi a drenta informe di un accidente cu hende herida na Piedra Plat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un chauffeur di un Honda Fit cu a baha caminda na man robes y a bay subi bek pero a perde control bira 90 grado bay dal riba cura di cas y piedra grandi. Debi na e impacto un persona so a resulta herida. Na yegada di e ambulans nan a atende e victima y a transporte pa hospital. E otro persona cu tabata cun’e den e auto a sali sin herida.