Awe cu hopi alegria y amor familiar pa e dia special di siman, dia di Dios.
E dia aki cu nos por bisa dia di familia, pasobra hopi familia ta probecha di bai lama, bai zwembad, bai keiro serca orto familia, cosnan hopi agradabel pa e union familiar.
Nos sigur kier gradici nos bon Dios pa tin nos como su yuinan escogi cu tin e previlegio di por wak otro bunita dia, den siman 25 di aña caba !
No tin nada mas bunita y dushi pa tin bo familia cu bo, bon den un union hopi agradable.
Ora cu e famia completo ta riba e caminda di positivismo, e logronan lo ta enorme.
No lubida ora cu Cuerpo Policial ta hasi e pregunta : Mayor, bo sa unda y cu ken bo yui ta ?
Señor ta bisa, unda tin Fe, tin amor.
Unda tin amor, tin paz.
Unda tin paz, ta caminda Dios tey nunca ta falta nada.
Pa e motibo akinan nos mester confia den Señor, y unda tin Fe, Amor, y Paz Señor ta duna dia y bida na nos.
Tempo di curason di Birgen Maria.
Birgen Maria tabata sa tur loke su jui homber ta bin hasi na mundo, pero mas duro ainda ta lanta Hesus te edad halto, pa E wordo suta injustamente, bati, humilya, te cu E a wordu mata na cruz.
Hopi tristo Hesus su crucificancion tabata ta.
Pesey tur ser humano mester para un rato y resa pidi pa un mundo más conciente pa no bolbe pasa loke a pasa.