Diasabra atardi a drenta informe di un accidente cu hende herida na Tanki Leendert banda di Subway, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente frontal unda un hoben chauffeur den un Kia Picanto a bay na man robes bay dal frontal riba un Kia Rio maneha pa un dama cu a resulta herida como tambe e hoben chauffeur. Na yegada di e ambulans nan a atende ambos herido y a transporta unicamente e dama pa hospital.