Diadomingo merdia a drenta informe di un accidente cu hende herida na e rotonde chikito na Bubali, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente pa falta di preferencia unda un pick-up no a para na tempo y a bay dal den banda di un Hyundai Eon. Debi na e impacto e chauffeur a resulta levemente herida. Na yegada di e ambulans nan a atende e victima na e sitio mes.
