Dialuna atardi a drenta informe di un accidente cu hende herida na e crusada di Hato pa Bubali, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un pick-up biniendo di Hato a subi caminda sin a dun preferencia na Kia Sportage di pabao y nan a dal den otro. Debi na e impacto e dama den e Sportage a resulta herida.Na yegada di e ambulans nan a atende e victima y a transporte pa hospital.