Diabierna anochi a drenta informe di un accidente cu hende herida na e rotonde Wilhelminastraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda e chauffeur di un Chevrolet Aveo di huur no a regula su velocidad ni a mantene distancia a bay dal tras di e Mitsubishi Lancer. Debi na e impacto un persona a resulta herida. Na yegada di e ambulans nan a atende e victima.
