Diadomingo mainta a drenta informe di un accidente cu hende herida na e rotonde banda di Superfood na Bubali, mesora a dirigi tanto polis como ambulans na e sitio. Na yegada di e patruya a bin compronde cu un hoben chauffeur bayendo su cas pa un motibo of otro a subi acera bay dal na un palo di lus kita bay dal riba e rotonde. Debi na e impacto e chauffeur a resulta herida. Na yegada di e ambulans nan a atende e chauffeur.
