Diasabra mainta a drenta informe di un accidente cu hende herida na e crusada Socotorolaan cu Emmastraat, mesora a dirigi tanto polis como ambulans na e sitio. Na yegada di e patruya a bin compronde cu turistanan den un Jeep bayendo pabao den Socotorolaan no a para duna preferencia na un Kia cu tabata bini di nort den Emmastraat y a bay dal e net den banda meymey unda e chauffeur di e Kia a resulta herida. Na yegada di e ambulans nan a atende e victima y a transporte pa hospital.