Dialuna atardi a drenta informe di un accidente na e rotonde banda di Sun Plaza, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu e chauffeur di un pick-up no a para pa duna preferencia na un Chevrolet Trax cu tabata riba e rotonde cu preferencia y e pick-up a bay dal su tras. Afortunadamente ningun hende a resulta herida.
