Diahuebs mainta a drenta informe di un accidente cu hende herida entre un scooter y un auto na Caya G.F. “ Betico” Croes, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda 2 hoben bayendo pabao riba un scooter sin papenan na ordo cu velocidad halto a bay purba pasa un auto Nissan March cu tabata birando na su man robes y a bay dal den e porta patras di e auto y a kibra e glas. Debi na e impacto aki e hobennan a resulta levemente herida. Na yegada di e ambulans nan a atende e hobennan na e sitio mes.