Oranjestad – 01 di oktober 2026 – Ayera nos a conclui cu exito e di dos sesion di Aruba Bank x Deloitte Workshop 2026, marcando e cierre di dos sesion valioso dedica na intercambio di conocemento, colaboracion y networking.
Hunto cu Deloitte, Aruba Bank a reuni clientenan, partnernan y expertonan pa comparti conocemento practico y perspectivanan riba temanan financiero, fiscal, administrativo y di compliance relevante na Aruba.
E di dos sesion a cuminsa cu un bonbini y introduccion na nomber di Aruba Bank door di Ramon Mas, preparando e escenario pa un atardi enfoca riba intercambio di conocemento, dialogo y fortalecemento di conexionnan profesional.
Durante Session 2, a elabora riba e siguiente agenda:
- Compilation of Financial Statements and General Filing Requirements in Aruba
- Tax and Administrative Filing Requirements When Owning Real Estate
- AML/CFT State Ordinance for Real Estate
Durante e diferente presentacionnan, e participantenan a ricibi informacion y perspectivanan practico tocante financial reporting y filing requirements, obligacionnan fiscal y administrativo y e topico di AML/CFT aplicabel na e sector di Real Estate.
E programa a inclui tambe un sesion interactivo di pregunta y contesta, brindando e participantenan oportunidad pa intercambia directamente cu e expertonan, profundisa riba e diferente topiconan y comparti nan perspectivanan.
Despues di e programa formal, e participantenan a reuni pa un networking event, creando un oportunidad pa continua e conversacionnan, intercambia ideanan y fortalece relacionnan profesional.
Aruba Bank ta gradici Deloitte pa e colaboracion y pa comparti nan expertisio durante e workshop, y tur clientenan y partnernan cu a participa y contribui cu nan conocemento, preguntanan y perspectivanan na e exito di ambos sesion.
Cu Aruba Bank x Deloitte Workshop 2026, Aruba Bank ta sigui crea un plataforma pa intercambio di conocemento y expertisio, conectando diferente perspectivanan y fortaleciendo relacionnan cu nos clientenan y partnernan.
Door di iniciativanan manera esaki, e banco ta sigui crea oportunidadnan pa siña, conecta y crea balor hunto, contribuyendo na un network mas fuerte y un comunidad profesional mas conecta na Aruba.
