Diasabra mey anochi a drenta informe di cu un auto lo a dal un persona pariba di Carnival Village, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un chauffeur burachi tras di stuur a dal un peaton di 59 aña lagando esaki seriamente herida. Na yegada di e ambulans nan a atende e victima y a transporte cu hopi urgencia pa hospital unda ela keda interna den cuido intensivo.
