Diasabra atardi laat a drenta informe di un caso di maltrato na Brazil Foodcenter, mesora a dirigi tanto polis como ambulans na e sitio. Na yegada di e patruya a bin compronde cu aki un persona di edad a ser maltrata pa un persona mas hoben. Aki dibiaha polis a detene e agresor mientras a solicita un ambulans pa e adulto mayor. Na yegada di e vehiculo di transporte pa detenido a hiba esaki na warda di polis Sanicolas. Na yegada di e ambulans nan a atende e adulto mayor pa su nanishi kibra na e sitio mes kende a nenga di bay cu ambulans.