Diasabra merdia a drenta informe di un accidente cu hende herida riba Sasakiweg pariba di e rotonde Palm Beach bayendo pa rotonde Superfood, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un auto a bay pasa un otro auto maneha pa un dama kende a pone kita pa e auto no dal riba dje y a baha caminda drenta e greppel y pasa over di e rooi e otro auto mes a sigui bay. Esaki a causa cu e dama a resulta herida y tabata tin dolor na su pecho. Na yegada di e ambulas nan a atende e dama y a transporte pa hospital.