Diadomingo atardi a drenta informe di un accidente cu hende herida na e Tweg Caya Musica cu Pos Abao, mesora a dirigi tanto polis como ambulans na e sitio. Na yegada di e patruya ya caba ambulans tabata na e sitio y a bin compronde cu e taxi a sali for di Caya Musica sin duna preferencia na e motociclista cu tabata bini di Hato y e motociclista a bay dal e parti na banda patras y a dal abao. Debi na e impacto e motociclista a resulta herida. Ambulans a atende y a hib’e cu urgencia pa hospital.