Diadomingo anochi a drenta informe di un accidente cu hende herida na Santa Helenastraat cu Weststraat, mesora un patruya cu tabata cerca a mira e accidente sosode nan dilanti. Ta traya aki di un accidente unda un Hyundai Accent a subi caminda pa bay pariba pero a malcalcula su birada y a bay mucho na banda robes dal casi frontal riba un Chevrolet S10 bayendo pabao. Debi na e impacto e chauffeur di e Accent a resulta herida. Na yegada di e ambulans nan a atende e victima na e sitio mes.