Diaranzon mainta a drenta informe di un accidente cu hende herida na e cruzada Guyabastraat cu Caya Papa San Juan Pablo II, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda un chauffeur bayendo zuid den Guyabastraat no a duna preferencia na un pick-up biniendo di pabao den Caya Papa San Juan Pablo II. E impacto tabata fuerte y 2 persona a resulta levemente herida y a ser atendi na e sitio mes.
