Diaranzon madruga a drenta informe di cu un homber ta maltrata un dama na un adres na Madiki, mesora a dirigi un patruya na e sitio. Na yegada di e patruya a bin nota e maltrato cu e dama a ricibi, ademas e yiu di e dama a bisa cu e padraso ta yega regularmente burachi y ta maltrata su mama. Polis a detene e homber cu a maltrata e dama. Polis a bisa e dama cu e por bay entrega keho di maltrato na recherche.
