Diasabra atardi a drenta informe di un accidente na Franse Pas, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente na e birada di Rooi Taki unda e chauffeur di e Ford Edge biniendo for di Sabana Basora bayendo nort a perde control y a bolter. Debi na esaki e chauffeur a resulta herida. Na yegada di e ambulans nan a atende e chauffeur na e sitio mes.
