Diahuebs atardi a drenta informe di un accidente na altura di rotonde Cumana, mesora a dirigi patruya na e sitio. Na yegada di e patruya na e sitio a bin constata cu aki ta trata di un accidente unda cu e chauffeur di un Honda Fit cora bayendo pariba yegando e rotonde no a regula su velocidad ni mantene distancia di e Toyota Corolla shinishi cu tabata su dilanti y a bay dal tras di esaki. Afortunadamente ningun persona a resulta herida y danjo material tabata casi nada.
