ORANJESTAD: Diabierna anochi Minister di Enseñansa y Deporte Endy Croes tabata presente na Compleho Deportivo Guillermo Trinidad na Dakota pa e aprtura di campeonato 2021 -2022. E aña aki e campeonato di futbol ta dedica na e baluartenan; Richard Jacobs, Andres Garcia, Ernst Mohammed y Lorenzo “Denchi” Werleman. E baluartenan aki a duna nan aporte na futbol di Aruba sea como hungado,referee of dirigente.
Den discurso Minister Endy Croes a bisa cu ta un gran honor y placer p’e por tey presente na un ocasion asina special. Nos ta saliendo for di e pandemia caminda nos tabata tin un aña dificil tras di lomba pero nos ta wak e bunitesa di deporte poco poco ta haya su structura y rumbo atrobe.
Minister Endy Croes a sigui bisa; deporte ta trece nos hunto, deporte ta trece alegria. Nos ta mira ekiponan competi contra otro y di e ekiponan ta sali seleccion nan cu ta representa nos. Nos a siña y nos por a wak con e deporte rey futbol ta trece alegria den curason di cada nacion.
“Laga deporte ta e vehiculo pa nos pone nos diferencianan un banda, unifica nos” e Mandatario di deporte a expresa. Deporte ta crea un nacion sano, deporte ta crea tambe disciplina, caracter, determinacion y dedicacion di cada un di bosonan y asina Aruba por tin lidernan sano den futuro atrabes di e vehiculo di deporte.
Minister a sigui bisa; nos sa cu tin retonan nos dilanti, nos a mira terenonan cu ta bay tin mester di atencion. Tambe nos a compronde for di AVB cu otro aña den luna di april seleccion femenino tin un compromiso di CONCACAF y manera nos aexperencia e ultimo añanan cu nos sleccionnan mester bay hunga den exterior. Nos ta den reunionnan estrecho cu e presidente di Arubaanse Voetbal Bond Randolf Lacle ydirectiva caminda nos lo kier haci un promesa cu un poco cautela; nos ta bay tin un di e terenonan sea e tereno di Compleho Deportivo Guillermo Trinidad of Centro Deportivo Frans Figaroa, pa por tin ne cla y aproba pa e weganan di CONCACAF desde April 2022 en adelante por tuma luga na cas mes unda nos fanaticadanan, famianan y rumannan por bin aprecia e weganan duna apoyo y sosten na nos atletanan.
Minister Endy Croes a felicita e baluartenan y a gradiciArubaanse Voetbal Bond pa e invitacion y bunita recepcion. Tambe Minister a gradici e refereenan y boluntarionan pa nantempo y dedicacion. Por ultimo e Mandatario di Deporte ta desea cada ekipo hopi exito.
