Chauffeur di un Yaris kier a sali for di e auto despues di accidente unda ela keda pega

Equipo di rescate di bombero mester a bay pa sak’e for di e auto unda ela keda pega

Diamars mainta tempran a drenta informe di un accidente cu hende herida na e cruzada principal di Rooi Lamoenchi, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda e chauffeur di e Toyota Yaris a subi caminda pa bay pariba pero no a duna preferencia na e Chevrolet Trax cu tabata bini di pariba y a dal e Yaris mande pa dal steunpaal di palo di lus pazuid di caminda. Debi na e impacto e chauffeur a resulta herida. Na yegada di e ambulans a descubri cu e chauffeur di e Yaris no por sali pafo y a solicita presencia di e equipo di rescate di bombero. Na nan yegada nan a corta e vehiculo y a logra saca e chauffeur. Mientrastanto e chauffeur di e Trax tambe a cuminza keha di dolor. Ambulans a atende ambos y a transporta nan pa hospital.

Share:

Leave a Reply

Your email address will not be published. Required fields are marked *