Encuesta Forsa Laboral 2021

ORANJESTAD – Cuminsando 1 di Novemberte cu 28 november 2021 Departamento di Labor y Investigacion (DAO), Oficina Centraldi Estadistica (CBS) y Centrale Bank di Aruba (CBA) lo tene e di diesun (11) Encuesta di ForsaLaboral (EFL 2021). E EFL 2021 tin como metapa forma un imagen actual y completo di e mercado laboral di Aruba. Un meta importante di e EFL 2021 ta e midimento di e cifra di desempleo pa Aruba. Pa medio di e informacioncompila tambe lo determina otro caracteristicanan y indicadornan importante di e mercado laboral cu ta necesario pa un analisismas profundo di e mercado laboral, manera e.o. e grado di participacion y e nivel di educaciondi e trahadornan. E datos y e tendecianan señala lo sirbi esnan cu ta stipula maneho, gobernantenan, investigadornan y empresarionan pa nan mehora y rafina nanmaneho pa cu e mercado laboral. 

Con bo persona por yuda

Ta bay haci e EFL 2021 digitalmente y telefonicamente y lo ehecuta esaki na un forma similar na Censo 2020. Pa e EFL 2021 a escoheun muestra di adresnan reparti riba henter Arubacu a participa na Censo 2020 y cu a indica cunan lo kier sigui traha hunto cu CBS pa futuro investigacionnan. E grupo aki lo bay ricibi e siman aki un e-mail for di CBS cu lo contenemas informacion di e investigacion. Riba dia 1 di November 2021 nan lo ricibi e link pa yena e cuestionario online. Den e cuestionario lo puntracierto informacion basico pa tur persona den e hogar, pero e mayoria di pregunta lo tasolamente pa esnan di 15 aña bay ariba ya cusegun principionan di e OrganisacionInternacional di Labor (ILO) nan ta considera nan como parti di e forsa laboral di un pais. Mester enfatisa cu e ta sumamente importante pa tur persona di 15 aña of mas yena e cuestionario completo pa medio di un e-mail ofvia telefoon. Ta ehecuta e Encuesta di ForsaLaboral pa haya mas informacion di e estado di empleo di tur persona di 15 aña bay ariba, sea nan ta emplea, no emplea of no activo riba e mercado laboral.

Lo bay tin persona telefonicamente disponibelpa contesta cualkier pregunta cu tin, y tambenan por asisti den e yenamento di e cuestionario. Nan lo ta disponibel di dialuna pa diabierna fordi 8:00am – 12:00pm y di 2:00pm pa 8:00pm, den weekend for di 12:00pm pa 06:00pm na number di telefon: 524-7433 (puntra pa e teamdi EFL 2021). Si yama y e liña ta ocupa, siguihaci intento pa haya un persona na liña. Tambepor manda un email na (LFS2021@cbs.aw) cubo preguntanan, of pa solicita pa un cita pa yenae cuestionario via telefon.

Privacidad 

Ta procesa tur informacion anonimamente y lo public’e solamente den forma agrega. Bo privacidad ta garantisa pa DAO, CBS y CBA. 

Bo informacion lo contribui na mehora e bistariba desaroyonan riba e mercado laboral di Aruba. P’esey bo participacion na e EFL 2021 ta esencial. 

Nos ta gradici’bo di antemano pa boparticipacion na e EFL 2021. Pa mas informacion riba e Encuesta di Forsa Laboral 2021, bo por tuma contacto cu nos librementedesde 1 di november na number di telefon 524-7433.

Share:

Leave a Reply

Your email address will not be published.