Wardacosta y KPA ku detencion den caso riba lama y riba tera

Diaranzon den oranan di mainta Wardacosta a detecta un boto ku tawata hasi movecionnan sospechoso den becindario di Baho. E boto un dado momento a drenta na Rodgers Beach y a bai mara. Unabes mara, movecionnan sospechoso a sigui tuma lugar y a notifica Cuerpo Policial inmediatamente. Cuerpo Policial a activa mesora y den e proceso a logra hasi detencion di 4 persona, confisca 1 auto y un boto. Tambe a confisca diferente saco cual ta sospecha ku e contenido ta droga den un cas na Mabon. Cuerpo policial tin e caso bow di investigacion. E caso tawata un bon colaboracion entre Cuerpo Policial y Wardacosta.