E delaster workshop na Cosecha ta pa bo sinja pinta flor di Pasco

ORANJESTAD, ARUBA (Dec 04, 2019) – Pa por sera e anja creativo aki cu tabata yena cu workshops, Cosecha ta organisa e delaster workshop creativo cu un session pa sinja pinta e flor di Pasco. 

Durante e workshop cu lo tuma lugar diasabra 14 di december, e artista Lorraine Evans lo guia e workshop di pintamento. Lorraine ta un artista conoci cu ta domina diferente tecnica di pintamento y diferente material. Lorraine tambe ta conoci pa su pinturanan di flor y mata. 

E flor di Pasco ta un mata bunita y hopi gusta den e temporada di fiesta. Pesei nos ta ofrece un workshop creativo pa pinta e flor aki. Lorraine lo sinja e participantenan tecnica di crea sombra y di crea forma. Lo husa potlood pa e workshop aki.

E workshop lo tuma lugar di 10.00 am – 12.00 pm. Edad pa por participa ta 12 anja bai ariba y e prijs pa por participa ta AWG 30.00 y ta inclui material.  E workshop ta tuma lugar den e Centro Creativo di Cosecha na San Nicolas, un espacio na undabishitantenan ta rondona door di arte y pesei tambe medio di e espacio nan creatividad ta wordo inspira.  

Inscripcion ta necesario y esaki ta tuma lugar na Cosecha San Nicolas of na Cosecha Oranjestad. 

Pa mas informacion por tuma contacto cu Cosecha San Nicolas natelefoon 5878708 of Cosecha Oranjestad na telefoon 5878709. Tambe por manda un email na cosechaworkshop@gmail.com

Pa mas informacion pa cu Cosecha, por bishita e Facebook page di Cosecha: www.facebook.com/Aruba-Cosecha

Share:

Leave a Reply

Your email address will not be published.